साताऱ्यातील करंजेत आढळला छत्रपती शहाजी राजे यांच्या कारकीर्दीतील दगडी शिलालेख..

साताऱ्यातील करंजेत आढळला छत्रपती शहाजी राजे यांच्या कारकीर्दीतील दगडी शिलालेख..

सातारा , 

दि.8/4/25.

सातारा करंजे नाका येथील पुलावर आढळून आलेल्या दगडी शिलालेखाचे छत्रपती शिवाजी महाराज संग्रहालयात संवर्धन केले जाणार आहे. हा शिलालेख १८४९ सालचा व छत्रपती शहाजी राजे ऊर्फ आप्पासाहेब महाराज यांच्या कारकिर्दीतील आहे, अशी माहिती संग्रहालय अभिरक्षक प्रवीण शिंदे यांनी दिली. करंजे पुलावर एक दगडी शिलालेख असल्याची माहिती शिलालेख अभ्यासक अनिल दुधाने यांनी दिली होती. त्यानुसार अभिरक्षक प्रवीण शिंदे व कर्मचाऱ्यांनी या शिलालेखाची पाहणी करून त्याचे संग्रहालयात संवर्धन करण्याचा निर्णय घेतला. या शिलालेखाचे अनिल दुधाने यांनी वाचन केले.