गर्भपातास मान्यता देण्याकरीता वैद्यकीय मंडळाची स्थापना.
दणका कायद्याचा डिजिटल न्युज .
चंद्रपूर :-
वैद्यकीय गर्भपात अधिनियम 1971 सुधारित 2021 नुसार जिल्हा मघ्ये वैद्यकीय मंडळ गठीत करण्याच्या सुचना प्राप्त झाल्या आहेत. त्यानुसार 24 आठवड्या पलीकडिल वैद्यकीय गर्भपात मान्यता देण्यासाठी शासकीय वैद्यकीय महाविद्यालय चंद्रपूर येथे वैद्यकीय मंडळाची स्थापना आली.
वैद्यकीय मंडळाचे अध्यक्ष म्हणून शासकीय वैद्यकीय महाविद्यालयाचे अधिष्ठाता तसेच क्ष किरण ,स्त्री रोग तज्ञ ,बालरोग तज्ञ ,श्वसन विकार,अनुवंश, मानसोपचार आणि मेंदुविकार, तज्ञ, अशा नऊ तज्ञाचा गठित समीतीत समावेश आहे. गर्भातील बाळाला काही प्रकारचे व्यंग असल्यास गर्भवती महिलांना 24 आठवड्या पलीकडे वैद्यकीय गर्भपातास मान्यता देण्याकरीता गठित वैद्यकीय मंडळास पाचारण करावे .हे समाजाला पटवुन देण्याची आवश्यकता असल्याचे जिल्हा शल्यचिकित्सक डॉ. महादेव चिंचोळे यांनी कळविले आहे.
