युट्युबवर व्हिडीओ पाहून तरुणाने स्वतः वरच केली शस्त्रक्रिया ,12टाकेही घातले ,त्रास वाढल्यावर रुग्णालयात दाखल
मुख्य संपादक
युट्युबवर व्हिडीओ पाहून तरुणाने स्वतः वरच केली शस्त्रक्रिया ,12टाकेही घातले ,त्रास वाढल्यावर रुग्णालयात दाखल
उत्तर प्रदेशमधील मथुरा,
दि.20/03/25.
यूट्युबवरील व्हिडीओ माहिती पाहून काही उचापती लोक स्वत:वरच घरगुती उपचार करत असतात. मात्र एका तरुणाने यूट्युबवरील व्हिडीओ पाहून चक्क स्वत:च शस्त्रक्रिया केल्याची धक्कादायक बाब समोर आली आहे. उत्तर प्रदेशमधील मथुरा येथे एका तरुणाच्या पोटात दुखू लागल्यावर या तरुणाने स्वत:च स्वत:चं पोट कापून शस्त्रक्रिया केली.
तसेच स्वत:च १२ टाकेही घातले. मात्र यादरम्यान सर्जिकल ब्लेड पोटाल खोलवर गेल्याने जखम होऊन त्याची प्रकृती बिघडू लागली. ही बाब जेव्हा त्याच्या कुटुंबीयांना समजली तेव्हा त्यांनी त्याला तातडीने रुग्णालयात दाखल केले. तिथे त्याची प्रकृती पाहून डॉक्टरांनी त्याला आग्रा येथे अधिक उपचारांसाठी पाठवले. सद्यस्थितीत या तरुणाची प्रकृती गंभीर असून, त्याच्यावर उपचार सुरू आहे.
