भाकरी वरून उत्तर विरुद्ध दक्षिण वाद पेटला ; कर्नाटकामधील विद्यापीठात विद्यार्थ्यांमध्ये हाणामारी
मुख्य संपादक
भाकरी वरून उत्तर विरुद्ध दक्षिण वाद पेटला ; कर्नाटकामधील विद्यापीठात विद्यार्थ्यांमध्ये हाणामारी
कर्नाटक,
एकीकडे तामिळनाडूमध्ये हिंदी भाषेवरून राजकारण तापले असताना कर्नाटकमध्ये उत्तर आणि दक्षिणेतील विद्यार्थ्यांमध्ये भाकरीवरून वाद होऊन प्रकरण हाणामारीपर्यंत पोहोचल्याची घटना घडली आहे. कर्नाटक केंद्रीय विद्यापीठ, कलबुर्गी येथे भाकरीवरून विद्यार्थ्यांच्या दोन गटांमध्ये हा वाद झाला. कर्नाटक केंद्रीय विद्यापीठ, कलबुर्गी जिल्ह्यामधील अलंद तालुक्यात कडागांची गावामध्ये आहे. तिथे विद्यापीठाच्या आवारात असलेल्या कॅन्टिनमध्ये भाकरीवरून झालेल्या वादाचं पर्यावसन हाणामारीत झाले.
मिळालेल्या माहितीनुसार विद्यापीठाच्या कॅन्टिनमध्ये दोन विद्यार्थ्यांत भाकरीवरून वादावादीला सुरुवात झाली. त्यावेळी उत्तर भारतीय विद्यार्थ्यांनी मशीनवर तयार केलेल्या भाकरीची मागणी केली. तर दक्षिण भारतीय विद्यार्थ्यांना हाताने तयार केलेली भाकरी हवी होती. किरकोळ कारणावरून सुरू झालेला हा वाद थोड्याच वेळात धक्काबुक्कीपर्यंत पोहोचला. मग बघता बघता दोन्ही गटांमध्ये हाणामारी सुरू झाली.
