मायलेकी एकाचवेळी झाल्या दहावी पास ! आईने जिद्दीने केले 20 वर्षापुर्वीचं स्वप्न। …
मुख्य संपादक
मायलेकी एकाचवेळी झाल्या दहावी पास ! आईने जिद्दीने केले 20 वर्षापुर्वीचं स्वप्न। …
नाशिक ,
दि.15/05/25.
ही गोष्ट आहे नाशिकच्या सुनीता गायकवाड आणि त्यांची लेक नूतनची! २००६ मध्ये सुनीता दहावीत होत्या. आईसोबत बाहेर धुणीभांडी करत शिकतही होत्या. पण तेव्हाच घरच्यांनी लग्न ठरवून टाकलं. लग्नाचं दडपण घेऊनच त्यांनी पेपर दिले. इतर सर्व विषय सुटले पण गणित विषय राहिला. वाचन , कविता मनापासून आवडणाऱ्या सुनीता यांना तेव्हापासूनच वाटत होतं की आपण दहावी पास व्हायला हवं.
पण मुलगी नववीत गेली आणि त्यांच्या दहावी सुटण्याच्या इच्छेने पुन्हा उचल खाल्ली. मुलांच्या जबाबदाऱ्या आणि काम सांभाळून अभ्यास करणं सुनीता यांच्यासाठी सोप्पं नव्हतं. दिवसभर अभ्यासाला वेळ मिळत नसल्याने त्या पहाटे चार वाजता उठत. सकाळी चार ते सहा आणि रात्री कामं आटोपल्यावर बारापर्यंत जिद्दीने अभ्यास करत गणिताचा पेपर दिला. आणि यंदा त्या गणित विषय सुटला, त्या उत्तीर्ण झाल्या.
