विद्युत खांबावर चढून काम करतांना विजेचा शॉक लागल्याने विद्युत साह्यकाचा मृत्यु

विद्युत खांबावर चढून काम करतांना विजेचा शॉक लागल्याने विद्युत साह्यकाचा मृत्यु

गडचिरोली   :-    ( येवली/दर्शनी)

गडचिरोली (१९ जुन):- तालुक्यातील येवली परिसरातील दर्शनी माल येथे विद्युत खांबावर चढून काम करत असताना विजेचा शॉक लागल्याने विद्युत कर्मचाऱ्याचा खांबावरच मृत्यु झाल्याची घटणा १९ जुन रोजी सकाळच्या सुमारास घडली. मृतक कर्मचाऱ्याचे नाव वैभव जेंठे वय (२२) वर्षे रा.ब्रह्मपुरी तालुक्यातील मगरमेंढा येथील असल्याने कळते.
प्राप्त माहितीनुसार वैभव जेंठे हा सकाळच्या सुमारास दर्शनी माल येथे वीज दुरुस्ती करण्याकरीता खांबावर चढला होता दुरुस्तीचे काम करत असताना अचानक जेंठे ला विजेचा जोरदार धक्का बसल्याने त्याचा खांबावरच मृत्यु झाला. विद्युत खांबावर चढला तेव्हा विद्युत पुरवठा बंद होता परंतु अचानक विज आल्याने सदर घटना घडल्याचे बोलले जात आहे मात्र अचानक विद्युत पुरवठा चालू झाल्याने वैभव जेंठे ला आपला जीव गमवावा लागला.
येवली परिसरात वेळेवर तत्परतेने काम करणारा कर्मचारी असल्याने परिचित होता, त्याच्या अशा मृत्यु ने परिसरातील जनता हळहळ व्यक्त करीत असुन जेंगठे कुटुंबावर दुःखाचा डोंगर कोसळला आहे.