लग्नाचेआमिष दाखवून तरुणीवर केले लैंगिक अत्याचार , रक्षक असून पोलीस बनला भक्षक।
मुख्य संपादक संतोष मेश्राम
लग्नाचेआमिष दाखवून तरुणीवर केले लैंगिक अत्याचार , रक्षक असून पोलीस बनला भक्षक।
गडचिरोली ,
दिनांक 25/2/25.
गडचिरोली, दि. 25 : जनतेचे रक्षणकर्ते यानीच लग्नाचे आमिष दाखवून तरुणीवर लैंगिक अत्याचार केल्याची घटना गडचिरोली येथे आज उघडकीस आली आहे. याप्रकरणी पीडित तरुणीच्या तक्रारीवरुन आरोपी मनोज सुंदरलाल धुर्वे (वय 30) रा. आलापल्ली ता.अहेरी जि.गडचिरोली यांच्याविरुद्ध गुन्हा दाखल करून अटक करण्यात आली आहे.
मिळालेल्या माहितीनुसार, यातील आरोपी हा गडचिरोली पोलीस दलात पोलीस शिपाई आहे. आरोपी व पिडीत युवतीची फेसबुकच्या माध्यमातुन ओळख झाली. त्यानंतर ओळखीचे रुपांतर प्रेमात झाल्याने युवतीला शारीरिक संबध प्रस्थापित करण्याची मागणी मनोज ने केली.
दरम्यान पिडीत युवतीने मनोजकडे लग्न करण्याची मागणी केली असता आरोपी मनोजने लग्नाचे वचन देत पीडितेवर वारंवार लैगिक अत्याचार केला व 10 फेब्रुवारी 2025 पासून युवतीशी बोलने बंद करून लग्नास स्पष्ट नकार दिला. लग्नाचे आमिष दाखवून लैगिक अत्याचार केल्याबाबत पिडीत युवतीने गडचिरोली पोलीस ठाणे गाठून तक्रार दाखल केली असता पीडित तरुणीच्या तक्रारी वरुन पोलीस शिपाई मनोज धुर्वे विरुध्द गुन्हा दाखल करून अटक करण्यात आली आहे. सदर घटनेने पोलीस विभागात खळबळ उडाली आहे. पुढील तपास गडचिरोली पोलीस करीत आहेत
