चित्तरंजनपुर येथे विचित्र भिषण अपघातात दोघांचा मृत्यू तर तिन गंभीर जखमी

चित्तरंजनपुर येथे विचित्र भिषण अपघातात दोघांचा मृत्यू तर तिन गंभीर जखमी..

चित्तरंजनपुर येथे विचित्र अपघातात दोघांचा मृत्यू तर तिन गंभीर जखमी…

दोन दुचाकींच्या समोरासमोर धडकेनंतर ट्रकने केली कमाल.

दणका कायद्याचा डिजिटल न्युज 

ग्रामीण प्रतिनिधी येनापुर 

आकाश बंडावार .

येनापुर     :-     (  चित्तरंजनपुर  )

दि.27/11/2023.

चित्तरंजनपुर  येनापूर) ता . चामोर्शी जि गडचिरोली येथे एका विचित्र अपघातात दोघांचा मृत्यू तर तिन जण गंभीर जखमी झाल्याची घटना आज दि.२७ नोव्हेंबर ला दुपारी दिड ते दोन वाजताचे दरम्यान घडली.

मृतकामध्ये रामेश्वर गंगाधर कुंभमवार वय ३८ रा.अनखोडा व रियांशा धनराज वाढई वय ८ वर्षे रा. जामगीरी असे असुन रामेश्वर हा आपल्या दुचाकी क्रं.एम.एच.३४ ए डब्ल्यू.५९२४ ने त्यांचे सोबती प्रकाश निलकंठ नागुलवार वय ३२ रा अनखोडा कडून चामोर्शी कडे जात होते परंतु अचानक समोरुन येणारे धनराज वाढई रा.जामगीरी दुचाकी क्रं.एम.एच.३३ डी.९८७२ ने येनापूर कडे जात असताना दोन्ही विरुद्ध दिशेने येणाऱ्या दुचाकींची समोरासमोर धडक झाल्याने दुचाकीस्वार पाचही जण रोडवर खाली कोसळले तेव्हा गडचिरोली कडून येणाऱ्या एम एच ३४ बी .झेड २३७७ या ट्रकच्या मागच्या भागात रामेश्वर आल्याने ट्रकचे चाक त्यांच्या अंगावरुन गेले तेव्हा ते जागीच गतप्राण झाले तर रियांशा हिला जब्बर मार लागला व तिचाही जीव गेला तर निलकंठ नागुलवार, धनराज वाढइ,व एक महिला गंभीर जखमी झाले लागलीच स्थानिक लोकांनी त्यांना प्राथमिक आरोग्य केंद्र येनापूर येथे उपचारासाठी दाखल केले प्राथमिक उपचारानंतर त्यांना चामोर्शी ग्रामीण रुग्णालयात नेण्यात आले आहे.

सदर घटनेची माहिती आष्टी पोलीसांना मिळताच पोलिस निरीक्षक कुंदन गावडे हे आपल्या कर्मचाऱ्यांना घेऊन घटनास्थळी पोहोचले घटनास्थळाचा पंचनामा करून रामेश्वरचा मृतदेह आष्टी येथील ग्रामीण रुग्णालयात शवविच्छेदन करण्यासाठी पाठविले व रियांशा चा मृतदेह चामोर्शी येथे नेण्यात आला आहे.

मृतक रामेश्वर गंगाधर कुंभमवार हे अहेरी येथील रुग्णालयातील १०८ या ॲम्ब्युलन्सचे चालक होते त्यांना दोन मुली पत्नी आई व बराच मोठा आप्त परिवार आहे.

दोन दिवसांत दोघांचा अपघाती मृत्यू झाल्यामुळे अनखोडा गाव शोकसागरात बुडाला आहे.