रोमपाली नाल्यावरील रपटा वाहून गेल्याने प्रवाशांची दुर्दशा तसेच रस्त्याच्या दूर व्यवस्थेमुळे वाढले अपघाताचे प्रमाण ।
दणका कायद्याचा डिजिटल न्युज .
दिनांक 12/9/2024
गडचिरोली जिल्ह्यातील आलापल्ली सिरोंचा राष्ट्रीय महामार्गाचा रोमपाली नाल्यावरील रपटा वाहून गेल्याने प्रवाशांची दुर्दशा तसेच रस्त्याच्या दूर व्यवस्थेमुळे वाढले अपघाताचे प्रमाण
सिरोंचा : मुख्यालयापासून आलापल्ली ते सिरोंचा पर्यंत शंभर किलोमीटरचा रस्ता हा 153 क्रमांकाच्या राष्ट्रीय महामार्गामध्ये मोडतो. मात्र या महामार्गाची दुरवस्था ग्रामीण भागातील पायवाटेपेक्षाही दयनीय झाली असून ठीक ठिकाणी खड्डे असल्यामुळे अपघात वाढले आहेत. त्यामुळे या महामार्गावरचा प्रवास जीवघेणा झाला आहे.
रोमपाली जवळील नाल्याचा रपटा वाहून गेल्याने प्रवाशांची गैरसोय होत आहे याला सर्वस्वी जबाबदार अधिकारी व ठेकेदार आहेत. हा मार्ग राष्ट्रीय महामार्ग आहे मात्र या रस्त्याची अवस्था एखाद्या खेडेगावातील रस्त्याहूनही बिकट झाली आहे या वाईट अवस्थेतील मार्गामुळे अनेक अपघात घडण्याचे प्रकार वाढले आहेत. तसेच काही अपघातात नागरिकांना जीवालाही मुकावे लागले. या मार्गावर इतक्या प्रमाणात अपघात होत असताना सुद्धा प्रशासन मात्र निद्रावस्थेत आहे.
